Atòbius

Torra a sa setzioni "Lìngua sarda"

---

Incontrus a suba de chistionis de lìngua, de cultura, arti, mùsica e de polìtica sarda.

05/12/2011
Hoi auloì. Is launeddas de sa Grècia clàssica
Atòbiu in su Centru Bentzon de Sant'Elias po chistionai de s'arrelata intra is launeddas sardas e sa mùsica arega de su tempus clàssicu. Una cumparàntzia de màginis e de mùsica cun s'agiudu de Pitanu Perra e de is strumentus suus. »

15/07/2011
Mùsica e versus po arragodai su poeta Faustinu Onnis
Crasi, sàbudu 16 de argiolas, in Ceraxus, a is oras 18.30 ... sighi a ligi »

27/06/2011
Is primus milli fueddus in Casteddu
Cenabàra su 1.mu de mesi-de-argiolas Stèvini Cherchi at a fai sa presentada de su traballu cosa sua chi ddi nant Is primus milli fueddus / Sas primas mille allegas in sardu. S'atòbiu at a essi a is 17.30 in s'àula de su cunsillu de sa Provìntzia de Casteddu in su Palàtziu Règiu, chi s'agatat in sa pratza 'e Palàtziu 1 in Casteddu etotu. Seis totus cumbidaus! »

01/03/2011
Cursu de lìngua sarda in su Dettori
Oi etotu incumintzat unu cursu de sardu in lìngua sarda chi ddu podint sighi totus is chi bollant lograi una conoscèntzia scentìfica de sa lìngua natzionali e acitotu is chi dda pretzisint imparai de is fundamentus »

14/12/2010
Atòbiu po chistionai de bilinguismu, in Sìnnia
Un'atòbiu po su bilinguismu in Sìnnia, custu acabu de cida. Ddoi at unu programa arricu meda, cun arrelatas de importu mannu asuba de totu is chistionis de sa lìngua sarda, de su cìnema a sa crèsia, de sa scola a sa literadura, de s'amistratzioni a s'arràdiu. Ant a arrelatai istudiosus famaus, profesoris e tradusidoris chi traballant de annus po sa lìngua natzionali. In prus su profesori cadelanu Eduardo Blasco Ferrer at a chistionai a suba de su bilinguismu me is Logus Bascus. Ligei-sì su programa de s'atòbiu e benei totus! »

06/11/2010
Cursu de stòria sarda in sardu
Cumentzaus mèrcuris su 10 de donniasantu e agoa sigheus dònnia martis e dònnia cenàbara, sempri de is 17.30 a is 19.30. Totu su cursu est de 20 oras, ddu aparìciat su Comunu de Serrenti e ddu feus in sa Domu de is Cordas (Casa Corda), in pitzus de sa Bibrioteca Comunali de Serrenti (via Fara). Po su cursu no si pagat nudda, est obertu a totus .. »

13/10/2010
Lìngua e stòria sarda in Serrenti
Cenàbara s'8 de mesi de ladàmini cumentzat in Serrenti unu cursu de sardu de 20 oras, dònnia martis e cenàbara de is 5 a is 7. Cenàbara su 12 de donniasantu cumentzat in Serrenti unu cursu de stòria sarda de 20 oras, in sardu, a is matessi oras e diis. Is maistus ant a essi Amos Cardia e Nigola Dessì. No si pagat nudda. »

23/09/2010
Bentzon in Casteddu
Dda incìngiant martis chi benit in su T Hotel a is 7, a mericeddu, s'amosta de unus 80 fotografias de sa bonànima de A.F.W. Bentzon, tiradas in Sardìnnia a s'acabu de sa segundu gherra mundiali, chi si contant su mundu de is sonadoris de launeddas, de is baddadoris e de is festas de cuddu tempus. »

09/09/2010
Cursu de lìngua sarda in Biddexidru
Sa Provìntzia de Campidanu de Mesu at a cumentzai -su 21 de cabudanni in Biddexidru- unu cursu de sardu po is impreaus de s'Aministratzioni, po is maistus e profesoris e po totu is chi bolint aprofundai is connoscèntzias insoru. »

25/06/2010
Donori - Gara poética in sardu
S'Ufíciu po sa Língua e sa Cultura Sarda s'invitat a benni a Donòri. Sàbudu, su 26 de mesi de làmpadas a is noi oras de a merì, in sa pratza Ai Caduti (sa pratza manna de is festas), nc'at a èssi una cantada a sa moda campidanesa. Is organizadoris funt unus cantu estimadoris de sa poesia improvisada in língua sarda: Salvatore Melis, Efisio Pia, Agostino Badas e Enzo Follesa, totus de bidda. At donau su contributu suu sa Província de Casteddu. »

17/06/2010
Crònaca de una morti annuntziada
Custu sàbudu, in su Hotel Regina Margherita de Casteddu, Ivo Murgia, chi at furriau in lìngua sarda campidanesa su contu Crònaca de una morti annuntziada de Gabriel García Márquez, at a fai una presentada de su traballu suu. S'atòbiu est a is 6 de a merii. »

06/06/2010
Cursu de lìngua sarda in Santu Sparau
Su progetu ddu eus cumentzau cun d-unu cursu de sadru chi at pigau parti genti meda, impreaus de su Comunu e genti de sa bidda, prus chi totu giòvunus e totus funt abarraus interessaus meda. Su cursu ddoi est in sa segundu annualidadi puru, chi eus incumentzai in gennaxu 2009. Benei totus e passai sa boxi! »

05/06/2010
Casteddu - Cuncertu po sa Palestina
L'associazione "Sardegna Palestina" ha organizzato per stasera dalle 21 un concerto in piazza per raccogliere fondi per i progetti di solidarietà internazionale in Palestina: Cagliari, Terrapieno, Viale Regina Elena, sabato 5 giugno 2010 dalle ore 21 »